Shillong, APR 27: Ka Hynñiewtrep Integrated Territorial Organization (HITO) hynne ka sngi u Blei, kala dawa na ki bor pyniaid district ka East Khasi Hills ban shimkhia katkum ka ain pyrshah ia ka Shillong Citizen’s Forum (SCF) kaba la pynbna bad phah khang khyrdep ia baroh ki dukan ha nongbah Shillong ha ka 28 tarik u Iaiong, kum ka jingsngewlem bad ki lanot kiba la shah thombor ha ki lehnoh dang shen ha Pahalgam.
Ha ka shithi kaba la phah sha ka Deputy Commissioner Kong RM Kurbah, ka HITO kala ong, “Ngi kwah ban tip, ka Shillong Citizens Forum ka ieng kumno hakhmat jong ka ain? Hato kadei ka kynhun kaba la dep ban rejistar? Kiei kita ki nongkitkam bad ki dkhot ki jongka? Ki khubor kiba la iohlum ki iathuh ba kane ka kynhun kadei kaba shah pyniaid ha ki nongkhaii kiba na Police Bazaar, kiba shong basah ha Kolkata bad ki shu hukum ia kiba iatreilang bad ki. Kane kala pynmih ia ka jingkylli kaba sngewkhia halor ka jinglong shisha, ka jinglah ban shaniah bad ia ka nongrim jong kane ka Forum na ka bynta ka bha ka miat jong ki paidbah”.
“Ka HITO ka kwah ban buh ha ka rekod ba kano kano ka jingpynbor ban phah khyrdep jubor ia ki dukan ne ki iew ki hat, kaban lam sha ka jingktah ia ka shongsuk shongshngain, kan dei ka jingbahkhlieh kaban hap shim da ki bor pyniaid district. Ngi dawa ba ki nongkhot bad ki nongpynlong ia kane ka jingphah khang khyrdep ia ki iew ki hat bad ia ki dukan, dei ban shim ba kim iapher na kiwei pat ki sengbhalang kiba pynkhein ia ka ain bad dei ban leh da kaba tyngeh katkum ka ain, kynthup ia ka jingkem bad dei ban leh noh ia kane khlem kano kano ka jingpynslem shuh” la bynrap shuh shuh.
Ka HITO kala ong ba ka sngewsih lang ryngkat bad ki bahaiing bahasem kiba la mad ia ka jingshem lanot bad ka buh jingduwai ba kiba mynsaw kin koit kin khiah noh, hynrei ka jingsngewlem kaba shisha kadei na ka mon laitluid kaba nalade hi ka jongu paidbah, ym da ka rukom phah khang khyrdep kaba la dep ban iapynbeit lypa”. Kane ka long kaba la jia, ki nongshong shnong ka Kashmir kila khang khyrdep hi ia la ki dukan khlem kano kano ka jingshah bthah ne jingshah pynbor.
“Ka long kaba donkam ban pynkynmaw, haba ki briew ki jong ngi kila shah pyniap pathar ha ki pulit ka Assam ha Mukroh, watla kala don ka jingkyntu bad jingiawer na ki katto katne ki kynhun kiba kwah myntoi ialade, ka HITO kala kyntu ia baroh ki dukan bad ki iew ba kidei ban plie, da kaba burom ia ka jingshisha namar kiba bun ka jingkamai jakpoh kaba man la ka sngi ka long kaba kyntang bad ka bym lah ban iakren pynbeit. Ym don uno uno u riewshimet ne kynhun ki don ia ka hok ne ia ka bor ban pynduh ia ki nongshong shnong ia ka hok ba kin kamai jakpoh ha kano kano ka dur” la bynrap.
 hynne ka sngi u Blei, kala dawa na ki bor pyniaid district ka East Khasi Hills ban shimkhia katkum ka ain pyrshah ia ka Shillong Citizen’s Forum (SCF) kaba la pynbna bad phah khang khyrdep ia baroh ki dukan ha nongbah Shillong ha ka 28 tarik u Iaiong, kum ka jingsngewlem bad ki lanot kiba la shah thombor ha ki lehnoh dang shen ha Pahalgam.){kind=link}