Shillong, Risaw 01 : San ngut ki briew kila mynsaw kynthup 3 ngut kiba mynsaw jur, na ka jingbthei ka tyndong lyer shet jingshet hynne ka sngi U Blei.
Kane ka jingjia kala jia ha kawei ka kudam buh tiar kali bad kali arshaka kaba don ha ka thain Keating Road.
La iathuh ba kane ka jingjia kala jia ha ka por ba kine ki briew ki dang iashet bam ha kane ka dukan.
Haba ioh jingtip ia kane ka jingjia, ki Pulit kila khot mar mar ia ki kali pynlip ding ban tem ia ka ding. Ia kine kiba mynsaw la pynkit noh mar mar sha Shillong Civil Hospital ban ai jingsumar.
Kat kum ka jingiathuh u Superintendent of Police, kane ka jingbthei kaba mih ha ka dukan die marjot ka dei kaba mih na ka kynja um ba kem ding na ki spray can katba ki nongtrei ki dang iapynpra lyngkhot ia kine ki can ha ryngkat ka jingiadih duma.
Kine ki 5 ngut kiba mynsaw ki kyrteng u Sam Mohamad (30), Bilal Hussain (28), Kamal Uddin (40), Nur mahamad Khan (32) bad u Nishan Singh (30).
