Amlarem, Naiwieng 10: U Myntri Rangbah ka jylla u Conrad K. Sangma hynne ka sngi Nyngkong ula leit jurip ia ka jingtei ia ka Eklavya Model Residential School (EMRS) ha ka shnong Umladhur kaba hap ha Amlarem Sub-Division, West Jaintia Hills District, ha kaba ka jingdep ka kam kala jan kot sha ka 70%.
Kane ka projek kaba T. 45 Klur kadei kaba la bei da ka National Education Society for Tribal Students (NESTS) hapoh jong ka Ministry of Tribal Affairs ka Sorkar Pdeng bad la pyntreikam da ka WAPCOS Ltd., New Delhi.
Ha ryngkat ka jingsynran lang u Myntri ka pule puthi u Bah Lahkmen Rymbui, ki heh ophisar sorkar, ki khlieh nongsynshar bad ki nongialam shnong, u Myntri Rangbah ula khmih ia ka jinglong jingman jong ki kam ki jam bad ka rukom shna ia katei ka jingtei.
U Conrad Sangma ula ong, shisien ba la pyndep ia kane ka jingtei, ka EMRS kan pyniar ia ka jingai ia ka pule puthi kaba paka ia ki samla pule riewlum bad kan kylla long kum ka shlem na ka bynta ka imlang sahlang bad ka jingroi ha ka jingnang jingstad ha ka thain.
Ula bthah ia ki Kontraktor bad ia ka tand kaba dei khmih ba kin pynkloi ia ki kam kiba dang sah khnang ba ka skulk an lah ban treikam pura noh ha u snem 2026, kaban aiald ia ki khynnah pule ban sdang ia ki klas ki jongki khlem kano kano ka jingpynslem shuh.
“Ka EMRS kan ym pynbha tang ia ka pule puthi hynrei kan pynkup bor ia ki samla ka rilum Jaintia ha ka jingdon ia ki tiar kiba bit ba biang ha ka pule puthi ka jongki” la ong u Sangma.
 ha ka shnong Umladhur kaba hap ha Amlarem Sub-Division, West Jaintia Hills District, ha kaba ka jingdep ka kam kala jan kot sha ka 70%.){kind=link}