Shillong, Jymmang 09 : U Myntri ka Ministry of Education (MoE) Dharmendra Pradhan ula bthah ia ka Tnad ba dei khmih jong ka Ministry ba kan leh ia kaba donkam halor ka jingdonkam ban thung noh ia u Vice Chancellor (VC) ba thymmai jong ka North Eastern Hill University (NEHU).
Haba pyntip ia kane ha ka sngi Thohdieng, u Myntri Sorkar bad nongialam ka BJP Bah AL Hek ula pyntip ba u Myntri ka Ministry of Education ula phah ia ka jubab halor ka shithi ba u phah hynne ka sngi.
“U (Myntri ka Sorkar pdeng) la pyntip ba ia kane ka kam la phah sha ka Tnad ba dei khmih ba kan leh ia kaba donkam” ula bynrap.
U Bah Hek u pyntip ba ula thoh shithi sha u Dharmendra ba un tuklar lem halor ka jingdawa jong ka North Eastern Hill University Students’ Union (NEHUSU) bad ka Khasi Students’ Union (KSU) NEHU Unit ban weng noh mardor ia u Prof PS Shukla kum u VC bad ban thung thymmai noh da uwei.
Haba kyntait ban pdiang ba ka Sorkar Pdeng kam shym la shimkhia ia ki kynrum kynram ha NEHU, u Myntri ula ong “Jin ba ki kheinsting ia kane ka kam, kin ym jubab satia ia ka shithi jong nga”.
 Dharmendra Pradhan ula bthah ia ka Tnad ba dei khmih jong ka Ministry ba kan leh ia kaba donkam halor ka jingdonkam ban thung noh ia u Vice Chancellor (VC) ba thymmai jong ka North Eastern Hill University (NEHU).){kind=link}