Shillong, Nailur 08 : U Lamphang ka Iingdorbar Thaw Ain Thomas A Sangma ula ong ba ki jingpyrshang kila iaid shakhmat ban pynsted ia ka jingtreikam, haba bthah ia ki contractor ba kin trei khlem shongthait ban pyndep kloi noh ia ki jingshna kiba shapoh jong ki kamra ka Iingdorbar Thaw Ain ba thymmai.
“Ki jingshna ia ki bynta ba shapoh jong ki kamra kala sdang. Ngi la pynbor ia ki ba kin trei khlem shong thait. Nga mut ba ki kam ka dei ban iaid shaid shaid bad pyrshang ban pyndep noh ia ki kam ba shapoh kham kloi kat kaba lah” ula ong haba iakren bad ki lad pathai khubor.
Hynrei, u Lamphang ula ong ba katto katne ki kam ki donkam ia kaban hap leh eiei kynthup ia ki lad jingiada, ka jingring waiar audio-visual bad kiwei kiwei. Ka jingpyndait ia ki CCTV camera bad kiwei ki lad jingiada ki long kiba donkam bha kiba hap ban leh eiei.
U ong ba kine ki kam ki lah ban ktah ia ka por ban pyndep, ula bynrap.
