Shillong, Naiwieng 22 : U Symbud Myntri Rangbah ba khmih ia ka tnad Pohiing (Police) Bah Prestone Tynsong, ula bthah ia ka Central Recruitment Board (CEB) ka Tnad Meghalaya Police, ba kan pynlong biang da kawei ia ka eksam Physical Efficiency Test (PET) naduh kaba sdang.
Kane ka jingbthah kala mih hadien ka jingpynbna jong ka CRB bala pynsangeh shuwa shipor ia ka eksam PET naduh ka 22 tarik Naiwieng, namar ka jingshem ba ki don ki jingduna ha ki kor ha ka jingpynlong ia ka eksam PET ha 1st MLP Battalion, Mawiong bad 4th MLP Battalion ha Sohpian, kiba long naduh ka 18 tarik Naiwieng haduh 21 tarik Naiwieng.
“Hynnin hi ka sngi ngi la shim ia ka rai. Nga la ong ia ki ba kan bha shibun ban pynlong biang bad ban leh biang naduh kaba sdang namar ba ka don ka jingthut ha ki kor ba pyndonkam. Nga la bthah ia ka CRB ba kan pynkynriah shuwa, pynsangeh shuwa bad ban pynlong da kawei” ong u Bah Prestone haba iakren bad ki nongthoh khubor.
Ula ong ba ka CRB kan sa pynbeit ia ka tarik ba thymmai kaba lah ban shim palat ia ka shi taiew ne artaiew eiei ban lah pynlong biang ia kane ka eksam.
U Bah Prestone ula pynthikna ba baroh ki kyrtong kynthup ia kito kiba lah dep ban leh ia ka Test ha Mawiong bad Sohpian, ba kin hap ban leh biang naduh kaba sdang.
“Ka dei tang na ka daw jong ki tiar ia kaba hap ban pynbeit bad maramot. Shisien ba la dep ia katei, ngin sa sdang biang ia ka PET naduh ka sngi kaba sdang. Kito kiba la dep ban iashimbynta kin hap ban mareh biang” ong u Bah Prestone.
 Bah Prestone Tynsong, ula bthah ia ka Central Recruitment Board (CEB) ka Tnad Meghalaya Police, ba kan pynlong biang da kawei ia ka eksam Physical Efficiency Test (PET) naduh kaba sdang.){kind=link}