Shillong, Naitung 02: Ka Sorkar Jylla kala pynbna ia ka jingthmu ban pynkha ia ka Examination Centre ba thymmai ka MBoSE ha Gambegre, West Garo Hills District.
Kane ka sienjam ka dei kaba la shim ban pynaram bad pynsuk ia ki spah ngut ki samla pule kiba ju hap leit sha ki jaka ba jngai ban iakhun ia ka eksam.
Da ki snem, ki samla pule na Gambegre bad ki jaka ba marjan, ki hap leit sha ki jaka ba jngai ban thoh eksam namar ka jingbym don ka jaka thoh eksam ha ka thain lajong, kaba la ju dawa la slem bha da ki trai shnong.
U Myntri Rangbah ka Jylla Conrad K Sangma ha ka sngi Nyngkong, ula iakynduh ia ki Ophisar ka Tnad Education bad ka MBoSE, ban ula ai bor ba kin ithuh noh ia ka eksam centre ba thymmai ha Gambegre.
Ki trai shnong kila pdiang ia kane ka khubor da ka jingkmen. “Kane kan dei ka jingkylla kaba khraw ia ki khun ki kti jong ngi” ong ki Kmie Kpa.
Ka Tnad Education kala kular ba kane ka centre ba thymmai kan dei kaba la ithuh kat kum ki kyndon bala buh.
