Shillong, Naitung 01: Da ka jingpyrshang ban pynkhlain ia ka jingai jingshngain bad ban pynbeit ryntih ia ka jinglum jingtip ia ki nongwan jngohkai, ka Tnad Tourism ka jylla Meghalaya kala pynbna ba baroh kiba pynbiang jaka sah (iingbasa) ha ka jylla naduh ki Hotel, Guesthouse, Homestay, Lodge, Inn bad ki Bed-and-Breakfast ki dei ban rejistar lyngba ka Online Platform kaba long kongsan bha.
Katkum ka kyrwoh kaba la pynmih da u Director ka Tourism, ka jingrejistar ka kynthup lang ia ka Daily Digital Reporting ia ki briew kiba wan sah kai. Kane ka kynthup ia ki jingtip kiba kongsan kum ka jingdon ki briew kiba wankai, la kidei ki kynthei ne shynrang, ka jaka kaba ki wan (jylla ne ri), ka jingpynshisha lyngba ka Identity Verification (ID, Visa bad ka C-form jong ki nongwankai kiba nabar ri).
Nalor kane, baroh kiba pyniaid ia ki jaka sah kidei ban shim ia ka No Objection Certificate (NOC) na ki bor pyniaid district bad ki bor pulit hashwa ba kin pyntreikam ia ki jaka sah ki jongki bad ka daw jong ka jingpynmih ia kane ka jingbthah kadei na ka bynta ka jingshngain.
Ban pynsuk ia kiba pynbiang ia ki jaka sah, ka sorkar jylla kala buh ia ka online portal: https://app.meghalayatourism.in/provider. Ka don ruh ka Mobile App lyngba ka Google Play Store bad Apple App Store. Ha kaba ia ki jingtip kiba bniah lah ban ioh nangne.
Ka tnad kala kyntu ia baroh ki nongpyniaid ba kin rejistar noh mardor bad ba kin bud ryntih ia kitei ki kyndon treikam kiba thymmai ban lait na kino kino ki mat kiba iadei bad ka ain ka kanun ne ha kaban pyniiaid ia ki jaka sah ki jongki.
 ha ka jylla naduh ki Hotel, Guesthouse, Homestay, Lodge, Inn bad ki Bed-and-Breakfast ki dei ban rejistar lyngba ka Online Platform kaba long kongsan bha.){kind=link}