spot_img

Bthah ka Tnad C&RD ia ki BDO ban phah leh ia ki Aadhaar seeding

Date:

Share post:

Shillong, Lber 05 : U Myntri ba khmih ia ka Community & Rural Development (C&RD) Abu Taher Mondal ha ka sngi Balang, ula pyntip ba ka Tnad kala bthah ia baroh ki Block Development Officer (BDO) ba kin kren ia ki Village Employment Council (VEC) ha kaban leh Aadhaar seeding (pyniasoh ia u Aadhaar).

Kane ka jingbthah kala mih hadien ba ka Sorkar Pdeng kala rai ba naduh ka 1 tarik Kyllalyngkot, 2024, yn ym ai jingsiew shuh hapoh ka MNREGS khlem ka jingpyniasoh ia u Aadhaar.

“Ia kane ka kam la iakren bad u Myntri ka Sorkar Pdeng da u Myntri Rangbah ka Jylla bad mynta haduh ka 24 tarik Rymphang, kila ailad ia ngi ban siew ia kat ka kam kaba lah dep hynrei nangne shakhmat yn ym ai jingsiew shuh ia ki briew ba don job card kiba khlem pyniasoh ia u Aadhaar” ong u Mondal haba jubab ha ka kynta kylli jingkylli.

“Namar kata, ngi la bthah ia baroh ki BDO ba kin kren ia kane ka kam ha ki kyrdan jong ki VEC bad ai ia ka Travelling Allowance (TA) ban ialam ia ki briew ba don job card sha ka Bank ba kin pyniasoh ia u Aadhaar. Ngi la bthah ruh ia ki Bank ba hadien ka 1 baje janmiet, ki dei ban ai ka lad ban pyniasoh ia u Aadhaar” ula bynrap.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...