Shillong, Naitung 18: Namar ka jinglong jingman kaba dang iaid ha Bangladesh, la bthah ia ki paidbah nong India bad ia ki samla pule India kiba sah ha Bangladesh ba kin kiar na ka jingleit jingwan bad ban pynduna ia ka jingmih nala ka jong ka Iing ne jaka sah.
Lada don kano kano ka jingdonkam kyrkieh ne donkam jingiarap, dei ban pyntip sha ka High Commission bad ki Assistant High Commission.
Ki paidbah ki lah ban phone haki Number harum, High Commission of India, Dhaka +880-1937400591 (WhatsApp), Assistant High Commission of India, Chittagong +880-1814654797/+880-1814654799 (WhatsApp), Assistant High Commission of India, Rajshahi +880-1788148696 (WhatsApp), Assistant High Commission of India, Sylhet +880-1313076411 (WhatsApp) bad Assistant High Commission of India, Khulna +880-1812817799 (WhatsApp).
Ka Sorkar Meghalaya kala pyntreikam ruh ia u helpline number 1800-345-3644 na ka bynta ki nongshongshnong ka Meghalaya kiba donkam ia ka jingiarap namar ka jingbym don ka suk ka sain ha Bangladesh.
Ki Nongshongshnong ka Jylla ki lah ban phone ha u helpline number 1800-345-3644 jong ka DIPR na ka bynta kino kino ki jingiarap kaba ki donkam.
