Shillong, Naitung 23: Ka Sorkar Jylla ha ka sngi Balang, kala bthah ia baroh ki Deputy Commissioner ba kin peit pyrman bad shim ia ki sienjam kiba donkam ban pynthikna ia ka jingpyrrkhing halor ka jinglah ban wan rung ki mynder ri kiba shah kyndang na Assam.
Kane ka hukum kala mih na u Addl Chief Secretary ka Jylla Shakil P Ahammed ba khmih ia ka Tnad Home (Political).
U Shakil ula ong “Namar ka jingkyndang ba dang iaid shaid shaid mynta ia ki mynder ri da ka Sorkar Assam bad ban khanglad ia ka jinglah ban wan rung ki briew ba shah kyndang sha ka Jylla, la bthah ia baroh ki Deputy Commissioner ba kin peit pyrman ban shim ia ki sienjam ba donkam ban pynthikna ha kaban tehlakam ia ka jingwan rung kine ki briew bad ia ka shongsuk shongsain”.
.){kind=link}