Imphal, Naitung 08: Ka Iingkashari Manipur High Court ha ka sngi Thohdieng kala hukum ia ka Tnad kam pohiing ka Manipur ban weng noh ia ka hukum khang ia ka kor internet lyngba ki Internet Lease Lines (ILLS) ha baroh kawei ka Jylla.
Kane ka hukum ka dei kaba la pynmih da ka Division Bench jong ka Manipur High Court ba kynthup ia u Justine Ahanthem Bimoi Singh bad u A Guneshwar Sharma, haba shong bisahr ia ki jingujor ba dawa ban pyllait noh ia ka jingtrei kam ka kor Internet ha Manipur, kaba la shah khang naduh ka 3 tarik Jymmang hadien ka jingmih ka jingiakynad Jaidbynriew.
Katto katne na ki kyndon bala mynjur da ka Expert Committee bad ba la pynsngew da ka Sorkar ban pyllait noh ia ka kot Internet ka kynthup ia ka kyndon ba ka jingsted ka internet kan long tang 10 MB/s, ban shim ia ki jingsoi jong ki nongpyn donkam ba kim dei ban leh ia kano kano ka kam beain bad kiwei kiwei.
Pule ruh: Plie u Myntri Rangbah iaka Annex Building jong ka Meghalaya High Court
