Imphal, Jylliew 20: Ka Iingkashari Manipur High Court, kala bthah ia ka Sorkar Jylla ban pyllait noh ia ka kor Internet da u pud sha ki paidbah ha ki katto katne ki jaka kiba la lah ban pyniaid biang da ki bor Sorkar.
Ka Iingkashari kala pynmih ia kane ka hukum hadien katto katne sngi ba don ka jingujor PIL da ki nongshongshnong ka Jylla.
Ka Iingkashari kala shim hakhmat eh ia ka jingeh bala mad ki paidbah khamtam haba iadei bad ka jingpynrung skul ia ki samla pule bad ban ailad ia ki paidbah ba kin pyndep ia ki kam kiba kyrkieh kumba la bthah da ki bor Sorkar.
Ka Iingkashari kala hukum ruh ia ki kompani jong ka Vodafone, Idea, Jio, BSNL bad Airtel ba kin file ia ka affidavit kaba batai la ka lah ne em ban ai internet sha ki paidbah da kaba khang noh ia ki social media website bad ban iaid lang kat kum ka jingkwah jong ka Sorkar Jylla ha kaban wanrah pat ia ka shongsuk shongsain hapoh ka Jylla.
