spot_img

Bthah ka Iingkashari ia ka Sorkar ba kan thied lum jingtep ba jaka thang briew

Date:

Share post:

Shillong, Nailur 03 : Ka Iingkashari Meghalaya High Court kala bthah ia ka Sorkar Jylla ba kan thied jaka na ka bynta ban shna jaka thang briew bad ka lum jingtep.

Ha ka hukum ba pynmih ha ka sngi Ba-ar, ka division bench ba kynthup ia u Chief Justice IP Mukerji bad Justice W Diengdoh kala ong “Ka Sorkar Jylla haba pynshong nongrim ia ka rai bala shim da ka Committee,kan shim ia baroh ki sienjam ha kaban thied jaka bad pyllait ia ka song pisa ban pyntreikam ia ka hukum”.

Ka jingialang jong ka Committee bala thung da ka Iingkashari la pynlong ha ka 27 tarik Nailar ha kaba la rai ban thaw ia ki District Level State Committee bad ka Sorkar kan ai pisa na ka bynta kane ka kam.

“Haba shimkhia ia ka jingkongsan jong kane ka kam bad ka jinglong kyrkieh, ngi bthah ia ka Committee ban leh kham sted ia ka kam. Lada ki District Level State Committee ki donkam, ai ba kin thaw noh kham kloi kat kaba lah hynrei ki dei ban hap hapoh ka jingpyniaid jong ka Committee bala thung da ka hukum kane ka Iingkashari. Kam pher ia ka jingthaw ia ki District Level Committee, ka jingtreikam ka Committee kat kum ka hukum ba 7 tarik Naitung, 2025 kan kren noh mardor iaka Sorkar ba kan thied bad aiti ia ka jaka ban shna ia ka jaka thang briew bad ka lum jingte” ong ka Iingkashari.

“Ka Committee kan pynlong man ka por ia ka jingialang ban pynsngewthuh ia ki jaidbynriew bapher bapher kiba thang ia ki metiap jong ki para bangeit jong ki, ba kin iapynbeit ha kaban iapyndonkam lang ia ka jaka thang briew bad ki dkhot jong ki niam Khristan kin tep iala ki briew ba iap ha kajuh ka lum jingtep” kala bynrap.

Ka Iingkashari kala bthah ruh ia u Amicus Curiae ba ai ia ka kaiphod ha kane ka iingkashari hashuwa ka sngi shong bishar ban wan jong kane ka PIL ka ban long la 23 tarik Risaw.

Share post:

spot_img
spot_img

Popular

More like this
Related

Pynwai ka Iingkashari ia ka PIL halor ki jingtei jaka mane beain ha jaka paidbah

Shillong, Nailur 03 : Ka Iingkashari Meghalaya High Court...

Khlem shah dung nar injek ka Khynnah ha Jaiaw kumba kynnoh, lap ka jingtohkit ki Pulit : Vivek

Shillong Nailur 02: U Superintendent of Police (SP) ka...

Tripura | Ujor ejahar ka Tipra Motha pyrshah ia u Nongialam BJP bad DyCM ba byrngem pyniap

Agartala, Nailur 2: U MLA ka Tipra Motha u...

SPL | Pynliem ka Shillong Lajong da 2-0 kol ia ka Laitkor

Shillong, Nailur 02: Ka Shillong Lajong kala kiew sha...