Shillong, Risaw 30 : Ka Iingkashari Meghalaya High Court ha ka sngi Nyngkong, kala bthah ia ka Sorkar Jylla lem bad ia ka Airport Authority of India (AAI) ba kin pyndep noh ia ka jingjurip ia ka Umroi Airport ha kaban pynheh ia ka runway hapoh kine ki khyndiat bnai ban wan.
Ha ka hukum bala pynmih hadien ba bishar ia ka PIL, ka Iingkashair ba kynthup ia u Chief Justice Sanjib Banerjee bad Justice B Bhattacharjee, kala ong ba ka AAI kala pyntip ba kala dep phah sha ka Sorkar Jylla ia ka jingmang pisa ban pynlut ha kaban pynheh ia ka runway ha Umroi Airport hynrei haduh mynta ka Jylla kam pat ai jubab satia.
“La kyrmen ba ka AAI bad ka Sorkar Jylla kin wad ia ki lad ki lynti bad ban pyndep noh ia ki jingjurip ba donkam hapoh kine ki shibnai-arbnai ban wan” kala ong haba bthah ba bishar biang ia ka mukotduma hadien 10 taiew.
Pule lang ia kane: Khylliap lama ki samla ia ka HITO ha Ri-Bhoi ba kynnoh leh donbor u President Sengkmie
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
