Shillong, Iaiong 25 : Ka Iingkashari Meghalaya High Court kala bthah ia ka Sorkar Jylla ba kan shim ia ka sienjam ban leh eiei halor ka jingtyrwa bala phah da Registrar General ka High Court ba iadei bad ka pay scale jong ki nongtrei ka Iingkashari ha ki kyrdan bapher bapher.
Ha ka hukum ba pynmih hynne ka sngi Palei, u Justice HS Thangkhie ula ong, “Halor ki jingpynsngew jong ki nongiasaid ain na baroh ki kynhun mamla, la bthah ia ka Sorkar ba kan shim ia ka sienjam, ba iadei bad ka jingtyrwa bala phah da Registrar General ka High Court ka Meghalaya, kaba long kat kum ka Rule 15 jong ka High Court Rules ban ai jingmynjur. La pynwai noh ia ka writ petition halor kane ka kam”.
Ia kane ka mukotduma la mudui da uwei u rangbah ba kyrteng u Ronald Amos Kharsati.
