Shillong, Rymphang 20 : Ka Iingkashari Meghalaya High Court ha ka sngi Palei, kala bthah ia ka Iingkashari ba tian bishar (trial court) ba kan pyniaid shakhmat ia ka jingtohkit ia ki sakhi halor ka jyrsieh thungkam nonghikai 2009 bala sei madan da ka Central Bureau of Investigation (SBI).
Ia kane ka hukum la pynmih da ka kashari ba khlieh da u Chief Justice IP Mukerji hadien ba shong bishar ia ka mukotduma kam bymman ba kynnoh donkti ia lai ngut ki briew kynthup ka Myntri ha ka Sorkar MDA, kong Ampareen Lyngdoh.
Ka Kong Ampareen, kaba bat mynta kum ka Myntri ka Koit ka Khiah, bad kiwei ki heh Sorkar, kila shah kynnoh ba ki leh beain bad pynthut ia ka rukom jied bad thungkam ia ki nonghikai Assistant ha ki skul Lower Primary ka Sorkar Meghalaya ha u snem 2008-09.
Ka jingtohkit ia kane ka case (PS Case No.62(07)2011, hapoh ka kyndon 120B, 167, 466, 408, 34 IPC) ka dei kaba la bynshet ha ka Central Bureau of Investigation (CBI) daka Iingkashari Meghalaya High Court.
Ha ka hukum, ka Iingkashari ka ong ba ki jingkyrpad bala mudui da ki nongshsha kynnoh ki long halor ki nongrim bapher bapher. Ka nongrim ba la pynpaw da ka nongshah kynnoh ba nyngkong, kaba dei ka Myntri jong kane ka Jylla ka long ba ka chargesheet kam shym la pynpaw ia kano kano ka jingkynnoh pynkhein ain.
“Da ka hukum jong nga ha ka 9 tarik u Nohprah 2024, nga la pynpaw ïa ka jingkwah jong ka Ïingkashari ban pyndep noh kloi ïa ka mukotduma. Kane ka Kashari ka la pynpaw, shem ba ka liang pynngat ka don ia ka thup ki 162 ngut ki sakhi bad kan kloi ban pynkut ia ka jingbishar kaba hok lada pynduna noh ia ka. Napdeng kiwei pat kiei kiei ka lah ban pynsuk ban pynkut kloi ïa ka jingbishar,” ong u Chief Justice ha ka hukum.
Ula iehnoh ha ka CBI ban shim ia ka rai halor katei ka kam bad ka iingbishar jong ki nongleh kam sniew kan nang tohkit ia ki sakhi tad haduh ka CBI kala shim rai ia ka. Ka paw ba kane ka rai ka dang sahteng. Ia mynta, kumba 21 ngut ki sakhi lah dep ban tohkit.
U Nongiasaid jong ka Nongshah kynnoh ula pyntip ba ki sakhi bala tyrwa ban tohkit da ka CBI kala tam mynta ia ka 400 ngut, ia kaba u Deputy Solicitor General um shym la lah satia ban pynthikna mynta ka sngi.
Ha kajuh ka por, ka Iingkashari kala rai ban sngap ia ki aplikeshon jong ki nongshah kynnoh hapoh ka kyndon 482 CrPC ha ryngkat ka aplikeshon hapoh ka juh ka kyndon bala buh da ka CBI ha ka 11 tarik u Lber.
 ba kan pyniaid shakhmat ia ka jingtohkit ia ki sakhi halor ka jyrsieh thungkam nonghikai 2009 bala sei madan da ka Central Bureau of Investigation (SBI).){kind=link}