Shillong, Risaw 09 : Ka bor District ka East Khasi Hills kala kyntu ia baroh ki Durga Puja Committee (DPC) ba kin aiti ia ka thup kyrteng jong baroh ki nongbylla nabar Jylla kiba wan ban shna bad pynitynnad (decoration) ia ki pandal hapoh ka District.
Ka bor District kala bthah ba dei ban aiti ruh ia ki Voter ID lem bad ki Aadhaar Card jong kine ki briew hapoh ka sngi Nyngkong. Ia kane ka rai la shim ha ka jingialang kaba long hapdeng ki dkhot ka Central Puja Committee (CPC) bad ka Deputy Commissioner ka East Khasi Hills RM Kurbah.
La pynshai ba kane ka jingaiti ia ki kyrteng kam treikam satia ia ki nongbylla ba dei na Jylla ne ki nongialam niam.
Kat kum ka kyrwoh bala pyllait da u General Secretary ka CPC u JL Das la ong “Ia ki Nongkitkam bad ki Dkhot bala rangbah jong ki DPC yn shah ban synran ha ka jingiaid kjat ban leit bret Blei na State Central Library haduh Chief Secretary Point. Baroh ki DPC ki dei ban bud ia kane ka jingbthah bad pynshai iala ki dkhot halor kine ki jingpyrrkhing”.
Ula ban jur ruh ba baroh ki DPC ki dei ban bthah ia ki dkhot ba kin long adkar bad pyni akor ha ka por ba iaid leit bret blei ka ban long la 24 tarik Risaw.
Halor kane ka jingkyrpad jong ka kynhun ka CPC, ka Deputy Commissioner kala kular ba kan sa pynmih ia kawei pat ka hukum ka ban shah ia ki DPC ki Nepali ba kin pynlong ia ka Phoolpati Yatra ha ka 21 tarik Risaw bad ka Hama Kalratri Puja ka shiteng miet jong ka 22 tarik Risaw.
Ha kane ka jingialang, ka Deputy Commissioner kala ban jur ruh ba yn ym shah satia ia ki nongleit puja ne ki puja committee ba kin pynngam blei lane buh ia ki blei ha ki wah hapoh ka Greater Shillong. La ong ba ka jingpynkhein ia kane ka kyndon kan khring ia ka jingpynsajia na ki bor District.
 ba kin aiti ia ka thup kyrteng jong baroh ki nongbylla nabar Jylla kiba wan ban shna bad pynitynnad (decoration) ia ki pandal hapoh ka District.){kind=link}