Shillong, Jymmang 01 : Artylli ki Police Station ka Nongbah Shillong lem bad kawei ka Ophis sorkar, kila shah hiar thma hynnin ka miet shiteng synnia ha ki runar kiba la leit kawang da ki petrol bomb.
Kine ki Police Station ki dei ka Shillong Sadar Police Station kaba don hapdeng eh jong ka Nongbah Shillong bad ka Rynjah Police Station.
Kane ka Ophis sorkar ka dei ka Ophis jong ka Meghalaya Government Construction Corporation (MGCC) kaba don ha ka thain Rilbong.
Kat kum ka khubor Pulit, la iathuh ba ki riew runar ki bym lah ban tip ki dei kiei bad kiba wan nangno, kila kawang petrol bomb ia kine ki Police Station hynne ka step phyrngap.
La pyntip ruh ba ka Ophis jong ka Meghalaya Government Construction Corporation (MGCC) kala shah kawang petrol bomb hynnin ka miet.
Hynrei haduh ba thoh ia ka khubor ym pat lah ban tip shai ia ki jingjulor kiba mih na kine ki jingkawang petrol bomb.
Ia ka khubor ba kham bniah yn sa pynmih kham shibit.
