Nongpoh, Nailur 04 : Ki paidbhur kila bomshnong ia uwei u nongtuh hynnin ka miet sngi U Blei hadien ka jingiohkem na ka jingia beh.
Kat kum ka khubor Pulit, une u Nongtuh u kyrteng u Bartan Marak ba 37 snem ka rta, uba dei u nongshongshnong ka Garogaon, Rawta, Sub Division Udalguri, Assam.
Ki Pulit ki iathuh ba une u briew ula leit rung tuh ha ka Iingsah jong kane ka Longkmie ba kyrteng ka Kong Moureen Kharnaior kaba don ha MIDC, Umiam bad ula pynap ruh da ka pistol bad byrngem siat.
Ki iathuh ba dei ha ka jingphet rieh jong u, ula kynthih ia kawei ka kynroh bad lam pynban sha ka jingkdiah ka kjat. Ki paidbah kila iohkem ia une u briew bad kila bomshnong haduh ba un da jem jai.
Na ki video la sakhi ba don ruh na ki paidbhur kiba la pom da ki wait khukri ia une u nongtuh.
Ha ka jingtohkit, ki Pulit kila lap ba une u nongtuh ula pyndonkam da ka air pistol ban leh ia kane ka kam pyntriem.
Ia une u nongtuh la kit noh mar mar sha Shillong Civil Hospital bad mynta u don hapdeng ka jingsumar. Ki trai iing kila ai da ka ejahar pyrshah ia une u briew ha Umiam Police Station.
Pule ruh: Mih ki Nonghikai da ki spah ngut ban iasnohkti ha ka Bharat Yatra
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
