Shillong, Nailar 14: Ka Meghalaya kala lap sa 558 ngut ki riew paidbah kiba la test HIV+ hapdeng u bnai Iaiong bad Jylliew mynta u snem, katba 60 ngut ki kynthei ba armet la test positive ha kine kijuh ki bnai, ong ka jingkhein bala pynlait da ka Meghalaya AIDS Control Society (MACS).
Ia kane ka jingkhein la pynmih da ka MACS hadien ka jingpynlait ia ka IEC Campaign 3.0 ha baroh kawei ka Jylla, myn ha ka 12 tarik Nailar ha Lady Keane College, Shillong.
Kat kum ka HIV Estimation Report 2025, ka Meghalaya ka don haduh 9,244 ngut ki briew kiba im bad u HIV (PLHIV).
Kane ka campaign ka thmu ban pynkhlain ia ki jingialap bad jingpynsngewthuh halor ka HIV bad AIDS ha kylleng ka Jylla.
Ka campaign ka kynthup ia ki jingialang ha ki 1026 tylli ki shnong, 3000 tylli ki jingialang pynsngewthuh ha ki skul bad 85 tylli ha ki college nalor 30 tylli ki folk performance bad 30 tylli ki flash mob.
Kumba 15,000 tylli ki Longiing yn leit ban rung ha kane ka jingleit pynsngewthuh, bad yn pynlong ruh ia 12 tylli ki special camp ha ki hospital ka Sorkar bad yn buh ia 10 tylli ki awareness booth ha kylleng ka Jylla Meghalaya.
Ka MACS kala kyntu ia ki lad pathai khubor ban pyndonkam ia ki jingkhein kiba la pynshisha haba thoh khubor halor kane ka campaign, haba ban jur ia ka jingdonkam ban pynmih da ka jingkitkhlieh ia kino kino ki jingtip ne khubor halor ka HIV bad AIDS.
.){kind=link}