Shillong, Naitung 04: Ka jingtei ïa ki Boys’ bad Girls’ Hostel Block jong ka Capt Williamson Sangma Memorial College, Baghmara kala dep ha ka 16 tarik u Jylliew bad ka jingkyntiew kyrdan ïa ki skul Ramakrishna Mission kiba don ha East Khasi Hills (Mawsynram/Shella-Bholaganj) bad South West Khasi Hills (Ranikor) kila dep ha ka 24 tarik Jylliew.
Ia kine ki projek la bei pisa da ka North Eastern Council (NEC).
Ka projek na ka bynta ban tei ïa ki Boys’ bad Girls’ Hostel Block ha Capt. Williamson Sangma Memorial College, Baghmara, South Garo Hills la mang tyngka ha u bnai Jylliew 2021 kaba kot T 1.6666 klur naka NEC.
Ka thong jong ka Project kadei ban kyntiew bad pynbha ia ka lad ban ioh ia ki jingpule kiba kham shalor na ka bynta ki samla pule na ki jaka ba jngai jong ki distrik.
Iaki hostel la shna naka bynta ban pynsah ïa ki samla pule kiba wan naki longiing ba duna haka ioh ka ko (Economically Weaker Sections) ban weng noh ïa ka jingshah khanglad ban bteng iaki jing pule.
Kane ka jingthmu ka pyni ia ka jingiai bteng jong ka NEC ban kyntiew ia ki jingtei (Infrastructure) ha ka pule puthi bad ban kyntiew ia ka jinglah ban ioh ia ka jingpule kaba bha, khamtam eh na ka bynta ki jaidbynriew kiba duna haka ioh ka kot bad kiba rit paid ha Meghalaya.
Ia ka projek kaba iadei bad ka jingpynkiew kyrdan ia ki skul jong ka Ramakrishna Mission la mynjur pisa ha ka 22 tarik Nohprah 2020, ha ka jinglut kaba T.4.2997 klur.
Ka thong jong ka projek kadei ban ai ia ka jingpule kaba thikna bad kaba bha haka dor kaba bit naka bynta ki khynnah kiba wan na ki longiing kiba duna haka ioh ka kot.
Ka la pynleit jingmut ha kaba pynkhlain ia ki jingtei jong ki skul ban weng ia ka jingbun ki khynnah kiba pep skul shiteng bad ban pynbun ka jingwan skul haki thain nongkyndong.
Da kaba pyndep ia kane ka projek, la khmih lynti ba ka jingpynrung kyrteng ki khynnah skul kan kiew kumba 45.2%, ha kaba kumba 523 ngut ki khynnah naki longiing Below Poverty Line (BPL) kin ioh lad ban leit skul.
Kane ka jingthmu ka dei ka sienjam kaba kongsan ban kyntiew ia ka jingnang jingstad bad ki lad ban kiew haka jingleit skul hapoh ka thain North East
 bad South West Khasi Hills (Ranikor) kila dep ha ka 24 tarik Jylliew.){kind=link}