-->

Bei ka World Bank palat T.11 lak tam ban tei NRM Library ha Nongshillong

Date:

Share post:

Nongstoiñ, Jylliew 20: U Piyush Dogra u stad mariang ba rangbah ka World Bank, hynne ka sngi Palei, ula plie paidbah ia ka Natural Resources Management Library (NRLM) bala bei tyngka da ka World Bank ha Nongshilong, East Jaintia Hills.

Ia u Piyush la synran da ki heh sorkar ba kynthup їa u Gunanha DB, IFS Addl project director CLLMP ka jylla, bah G.Kharmawphlang IAS Deputy Commissioner Eastern West Khasi Hills bah W.R.Masar MCS BDO Mawthadraishan Block bad kiwei kiwei.

Ia kane ka NRML la tei ha ka jinglut kaba kot haduh T.11 lak tam ha kaba shiphew lak la bei tyngka da ka World Bank.

Haba ai jingkren ha ka jingialang, u Piyush Dogra, ula ong ba ka jingbei pisa jong ka World Bank ban shna їa katei ka Library ne ka їing ban lum thup їa ki kot ba bun jait kiba la thoh da ki riew stad, ka long ka jingmyntoi kaba khraw їa ki samla ka thaiñ, khamtam eh їa ki khynnah skul kiba kwah ban tip bniah shaphang bun kiei kiei kiba la thoh ha ki kot.

Ki la ong ruh ba ha katei ka Library kin don ruh shibun ki kot kiba batai bniah shaphang ka jinglong jingman jong ka mariang. Kumjuh ruh ki jingbatai shaphang ka jingїadei kaba jan ka jong u briew bad ka mariang, kumno ban pynneh pynsah їa ki jingdon jingem kiba ker sawdong їa ngi.

Nalor kata ha katei ka Library yn lum thup ruh їa ki tiar ki tar tynrai kiba la ju pyndon kam da ki longshuwa, ki khana pateng bad kiwei kiwei.

Ha katei ka sngi ka Parїong Presbyterian secondary school, ka la noh synñiang ruh da ki kot ban buh ha katei ka library na ka bynta ba ki samla bad ki khynnah skul kiba wan kin їoh ban pule.

Share post:

-->
spot_img

Popular

More like this
Related

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Bate kam u CEM ka KHADC ia ki 7 ngut ki EM 

Shillong, Risaw 09: U CEM ka KHADC Bah Winston...

Thung ka Sorkar ia ka SIT ban tohkit ia ka jingshah pyniap u Khynnah ha Nongrah

Shillong, Risaw 09 : U Symbud Myntri Rangbah ka...

Pynjari ka Meghalaya-Assam da ka korphiw miet ha khappud ka thain Lapangap

Shillong, Risaw 09: Ka Sorkar Meghalaya bad Assam, kila...