Shillong, Iaiong 22: Ka Liang Pyrshah Voice of the People Party (VPP) ha ka sngi Nyngkong, kala beh seng ia ia uwei u kyrtong iakhun MLA bad ia u Working President na Mairang namar ka jingkynnoh ba u leh ia ki kam ba long pyrshah ia ka party.
Une u Nongialam u dei u Bah Shanlang Warjri, uba ieng iakhun ia ka elekshon MLA na Mairang bad u Working President ka Mairang Circle Kherup Sing Thabah. Kine ki arngut kila ioh pdiang ia ka shithi behsing bala phah da ka State Executive Committee jong ka party.
Ha ka shithi beh seng, u Chairman ka VPP Disciplinary Committee Dr Kara H Shen ula ong “Kumba bthah da ka State Executive Committee, ngi, uba soh kyrteng, ngi kwah ban pyntip sha phi, ba ka party, kala shimkhia ia ki jingkren jong phi, ki kam ba phi la leh kiba dei ki kam ki bym iahap satia kum u dkhot jong ka party. Hadien ka jingbishar bha ia ki kam ba phi la leh, ki jingkren bad ki jingleh, kala paw shai ba ki kam ba [hi la leh kim iahap satia bad ki nongrim jong ka party jong ngi”.
“Kine ki kam ba phi lah leh kala buh ia ngi ha ka kut lad bad ngi hap ban beh noh ia phi na ka party mardor” ula ong.
 ha ka sngi Nyngkong, kala beh seng ia ia uwei u kyrtong iakhun MLA bad ia u Working President na Mairang namar ka jingkynnoh ba u leh ia ki kam ba long pyrshah ia ka party.){kind=link}