Shillong, Nailar 11 : Ka Khasi Students Union (KSU)-Laban Circle ha ka step sngi Nyngkong, kala leit kyndang bad beh krad ia uwei u bar jylla ba kam contractor, halor ka jingkynnoh ba u ju mlien ban wan ialam ia ki muslim na Assam ban pyntrei bylla khlem ki kot ki sla.
Ia une u briew la kyndang hadien ka jingiohkem ia arngut ki bar jylla kiba dei ki muslim na Oxford Hills ha ka sngi U Blei, kaba hap hapoh ka Dorbar Shnong Kenches Trace Oxford, Rilbong. Ha ka jingtohkit la lap ba kine ki briew kim don satia ia kino kino ki kot ki sla ban pynithuh ialade bad la wan ialam ia ki ban trei bylla ha kawei ka Iing ha Oxford.
Ka KSU-Laban Circle kala leit khynra ia katei ka Iing bad kala ioh bat sa 4 ngut ki muslim ki bym don ki kot ki sla. Ka seng kala lap ba kine ki briew kila wan rung da ka kali tourist bad pynithuh ialade kum ki nongwan jngohkai da ka jingiarap jong uwei u briew uba kyrteng u Shajahan Ali, uba dei na Assam bad ba sah ha Laban, uba ju pynbiang jaka trei ruh ia kine ki briew na Assam.
Ia kine ki 6 ngut la aiti noh sha ki Pulit ka Rilbong Beat House ha katei hi ka sngi, iathuh ka kyrwoh bala pyllait da u samla Franky Rani, Information & Publicity Secretary ka KSU-Laban Circle.
Hadien ka jingshem shaphang u Shajahan Ali, ka KSU-Laban Circle kala leit ban kyndang ia ka iingsah jong u bad kala beh krad syndon ia u. La ong ba une u briew ula kam ialade ba u don u contractor bad uba ju mliem ban wanrah ia ki briew na bar jylla kiba suba jur ruh ba ki lah ban dei ki nong Bangladesh.
Ka Seng kala maham jur ia ki trai ing ba ai wai iing ia une u briew ba kim bit shuh ban aiwai iing sha ki briew kiba wan nabar jylla khamtam ki muslim namar ka jingsheptieng ioh ba ki dei ki briew ba kyndang ka Sorkar Assam bad ruh ki phetwir na Bangladesh namar ka jinglong jingman ha Bangladesh.
Ka KSU-Laban kala pyntip ruh ba bunsien ka ju lap ba bun na kine ki bar jylla muslim ba sah ha Laban ki ju iarap ia ki para muslim ban ai jaka khlem da pyntip sha ki bor shnong. Halor kane,ka Seng kala iakren bad ki bor shnong bad na ka liang ki bor shnong Laban kila pynlong ia ka survey ban tip ia ka jingdon ki bar jylla muslim ba shong ba sah ha Laban.
-Laban Circle ha ka step sngi Nyngkong, kala leit kyndang bad beh krad ia uwei u bar jylla ba kam contractor, halor ka jingkynnoh ba u ju mlien ban wan ialam ia ki muslim na Assam ban pyntrei bylla khlem ki kot ki sla.){kind=link}