Shillong, Naitung 31 : Ka Khasi Students’ Union (KSU) ha ka sngi Balang, kala beh krad ia palat 21 ngut ki nongbylla bar jylla na kylleng ki jaka tei jingtei ha ka thain Mawlai, hadien ka jingshem ba ki wan trei bylla khlem ki kot ki sla kiba biang.
Ka kyrwoh bala pyllait da ka KSU ka pyntip ba ka KSU-Mawlai Circle kala pynlong ia ka jingtalasi ia ki work permit ha ka thain bad shem ia palat 21 ngut kiba wan bylla khlem ki kot ki sla kiba biang.
“Ia kine ki nongbylla bar jylla la beh krad noh bad kin leit phai shala ka jong ka jaka” kala ong.
Ka kyrwoh ka ong ba kane ka jingtalasi ka dei kaba la leh kum ka dak ban pynbor ia ka Sorkar Jylla ba kan pyntreikam noh mardor ia ka Meghalaya Residents Safety and Security Act (MRSSA), 2016 bad ka Inner Line Permit (ILP) khnang ban lah tehlakam ia ka jingwan rung kyrthep ki bar jylla shapoh ka Jylla bad ban iada ia ka hok bad ka bha ka miat jong ki paid riewlum trai Jylla.
 ha ka sngi Balang, kala beh krad ia palat 21 ngut ki nongbylla bar jylla na kylleng ki jaka tei jingtei ha ka thain Mawlai, hadien ka jingshem ba ki wan trei bylla khlem ki kot ki sla kiba biang.){kind=link}