Nongpoh, Nailar 30: Ka Khasi Student Union (KSU), Nongpoh Town Unit ha ka sngi Ba-ar, ka la beh krad ia 10 ngut ki nongbylla bar Jylla, kiba wan bylla khlem ka labour licence bad kiwei kiwei ki kot ki sla ba donkam ha Nongpoh.
Kine ki bar jylla ki dei kiba trei ha kawei ka jaka kaba don ha ka shnong Umryngksai, marjan bad ka Nongpoh.
Ka KSU-Nongpoh hapoh ka jingialam u President Iabhalang Nongrum, kala leit ban khynra ia kane ka jaka bylla hadien ka jingioh khubor ba ki don ki nongbylla bar jylla ki bym don ia ki kot ki sla.
U samla Iabhalang ula iathuh ba ka seng kala ioh jingtip ia ka jingwan rung ine ki bar jylla ban trei bylla ha kane ka shnong khlem ki kot ki sla ba donkam. U ong ka seng kala hiar ban khynra bad la shem ba kine ki bar jylla kila wan trei beain.
U iathuh ba halor kane ka jingshen,ka seng kala beh noh ia kine ki nongbylla ba kin leit phai shala ki jong ki shnong.
Ha kajuh ka por, ka seng kala maham tyngeh ia ki contractor kiba wanrah ia ki nongbylla bar jylla ba kim dei ban pynshlur ia ka jingwan rung beain lem kumta ka seng kan leh da kaba tyngeh pyrshah ia ki.
Pule lang ia kane: Rakhe ka Jylla iaka National Sports Day, pynkup burom ia ki Nongialehkai ba wanrah nam ia ka Jylla
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
