Nongpoh, Risaw 18: Ka seng HITO Bhoirymbong Circle hynne ka sngi Balang, kala beh krad ia bun ngut ki bar jylla kiba wan trei bylla hapoh ka thain khlem ka Labour Licence.
Kane kala jia ha ka jingkhynra Labour Licence jong kane ka Seng halor ka jingioh khubor ia ka jingdon bun ki bar jylla kiba wan trei beain hapoh ka dong ka thain khlem ka Licence.
Ha kane ka jingkhynra, kane ka Seng kala lap ruh ba don katto katne ki briew kiba aikam ia ki bar jylla, la kynnoh ba kila aikam ruh wat ia ki khynnah kiba dang hapoh ka 18 snem ka rta.
Ia kane ka jingkhynra la lamkhmat da u President ka HITO-Bhoirymbong Circle samla Samwel Hieng ha ka jingiadonlang ki nongialam ka HITO Ri-Bhoi District.
“Hadien ka jingioh khubor bad jinglap ba ka thain Bhoirymbong kaba nang kharoi ha ka jingdon ki bar jylla kiba wan ban seng kam sengjam, kala pynlong ia ka jingkhynra ban pynthikna ba kine ki bar jylla ki dei kiba bud ryntih ia ki ain ki kyndon” ong u samla Samwel Hieng.
Kat kum ka jingong jong u, kane ka jingwan ki bar Jylla kala ktah haduh katta ia ka iohjam iohjam bad pynduhnong ruh ia ki trai jylla ha ki kam bapher bapher nalor ka kam khaii.
“Ha ka jingkhynra ngi la lap bun ki bar jylla kiba wan trei bylla beain khlem Licence…ngi la lap ruh wat ia ki khynnah kiba dang hapoh ka 18 snem, kaba long beain kat kum ki ain ka Ri India” ula ong.
Halor kane ka jingshem, ka HITO Bhoirymbong kala kyntu jur ia ki Nongialam Shnong bapher bapher ka thain ba kin peit ngor bad pyrrkhing bha ha ka jingai No Cia ki bar jylla banseng kam nalor ka jingwan ialam ia ki nongbylla.
Pule lang ia kane: Jah rngai u Doktor ba iarap ia ki spah ngut ki lanot ha ka jingshlei um ha Sikkim
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
