Shillong, Nailur 18: Ka Meghalaya Cricket Association kala jied ia ki 25 ngut ki nongialehkai Cricket ban mihkhmat ia ka kynhun jong ka jylla Meghalaya ban iashimbynta ha ka BCCI’s Senior Women T20 Trophy 2024-25.
Ka MCA kala jied ia ki 25 ngut ki nongialehkai bad kitei kin hap ban iashimbynta ha ka Selection Trial bad ka Preparatory Camp ban shah jied ha ka kynhun jong ka jylla Meghalaya.
Kane ka jingai jinghikai kan long ha Shillong naduh ka 23 tarik u Nailur ha MCA Ground, Polo.
Ka MCA kala khmih bniah ia kitei ki nongialehaki kynthei kiba la iashimbynta ha ka Senior bad ha ka jingiakhun ha ka U-23 Women’s Selection Trial kaba la long ha Jagiroad, Assam, ha u Jylliew-Naitung ban ioh jied ia kitei ki 25 ngut ki nongialehkai.
Kitei ki nongialehkai ki hap ban leit mih sha Shillong ha ka 22 tarik u Nailur bad ka sngi nyngkong kaba kidei ban leit mih ha ka Trial/Camp kan long ha ka nsgi kaba bud ha ka por 8:30 mynstep.
Ki nongialehkai kiba la shah jed ki kynthup ia ka Riticia Nongbet, Luiza Tamang, Debasmita Dutta, Suruti Kumari Ray, Daiaka Warjri, Ritreki Pohshna, Solina Jaba, Deiphibapynshngain L Mawnai, Ruby Chettri, Ankita Sharma, Ribanjanai Mynsong, Neelam Roy, Neha Hajong, Indariakor Kharwanniang, Monica L Phawa, Rebeldalis Syiemlieh, Anchal Singh, Ajima Sangma, Sara Daffica Kharbani, Dubleen Nengnong, Sistilin Ryntathiang, Evanrilin S Syiem, Monicable Marbaniang, Fullnessy Mawlong bad ka Kamchira Marak
Katba ki Support Staff ki kynthup ia ka Deepali C Patkar (Head Coach), Mackie D Blah (Assistant Coach), Wandashisha Dkhar (Physio), Darishesha Mawroh (Trainer)
