Ban pynduna ia ka jingdheng kali yn tei ka Sorkar da ki Parking Lot

Date:

Share post:

Shillong, Nohprah 01: U Symbud Myntri Rangbah ka jylla u Bah Sniawbhalang Dhar ula pyntip ba ka sorkar jylla, kala iaid shakhmat ban tei da ki Parking Lot ne jaka pynieng kali kiba thymmai ha kylleng ki jaka bad ki don ruh kiba ki kam ki jam kila nang iaid shakhmat mynta.

U Bah Sniawbhalang Dhar ula ong, ba ka sorkar kan sa tei da ki parking lot ne ki jaka pynïeng kali kiba thymmai bad ha kane ka taiew yn sa mang ban tei ia ki artylli ki Parking Lot.

Ula ong ba ha kitei ki Parking Lot, yn lah ban pynïeng ne set haduh kumba 500 tylli ki kali.

Ula ong ba ka sorkar kan sa pyndonkam ruh ia ki katto katne tylli ki jaka ki bym shym la pyndonkam da ki tnad sorkar khnang ba yn ioh ban tei noh da ki Parking Lot.

U Bah Sniawbhalang ula pyntip ba ka sorkar kala dep ban khot ia ka Tender na ka bynta ban tei 2 tylli ki Parking Lot, kawei yn tei hajan ka Secretariat katba ia kawei pat dang wad ia ka jaka.

Na kaba bynta ban ialeh ban pynduna ia ka jingkhapngiah, u Symbud Myntri Rang ah ula ong ba ka sorkar kala pynkhreh ban
pynkynriah noh ïa ka Secretariat bad ia ki katto katne ki ophis sorkar sha New Shillong bad ynda la dep ban pynkynriah ia kitei ki ophis kan sa iarap ha kaban pynkylluid bad ban pynduna ia ka jingdheng kali kaba ki paidbah kila mad jingeh bha baroh shi katta.

Share post:

spot_img

Popular

More like this
Related

Shillong likely to host Only One International Football Match as Maldives request venue change

Shillong, Feb 23: Shillong may end up hosting only...

Yn iakren u Myntri bad ka MHA halor ka jingpyrshang pynim iaki kynhun kaikhlaw ha Jylla

Shillong, Rymphang 22: U Myntri Khynnah ka sorkar pdeng...

Iehnoh kam u Dr Aman War kum u Nongialam ka UDP

Shillong, Rymphang 22 : U Director ka Health Services...

Shillong Premier League | Nang jam shakhmat ka Mawlai ban tam ha ka jingkhur point

Shillong, Rymphang 22: Ka Mawlai SC kala bteng biang...