Shillong, Nailur 26 : U Myntri Rangbah ka Jylla Conrad K Sangma ula ban jur ba ka prokram ban sumar bad pynheh pynsan thikna ia I Khunlung naduh na kpoh ka Kmie haduh ka por leit skul (Early Childhood Development), ka long kaba kongsan tam ban lah ithuh ia ka bor jong ki na ka bynta ka lawei ba phyrnai.
U Myntri Rangbah ka Jylla ula kren ia kane haba plie ia ka State Level Workshop on Meghalaya Early Childhood Development Mission (MECDM) bala pynlong halor ka phangpdeng “Unleashing Every Child’s Full Potential for A Bright Tomorrow” hynne ka sngi nyngkong ha Yojana Bhavan, Secretariat.
The Meghalaya Early Childhood Development Mission is a pioneering program in India with the goal to make investment in early years of a child- to shape their holistic development & lay strong foundations for their future.@PMOIndia @mansukhmandviya @smritiirani pic.twitter.com/aiiKujjpaO
— Conrad Sangma (@SangmaConrad) September 26, 2022
“Ka Early Childhood Development Programme ( ka prokram ban sumar bad pynheh pynsan ia ki Khunlung naduh ka kpoh ka Kmie) ka long kaba kongsan bha. Ngi ju sdang ban pynleit jingmut ia ki Khynnah tad hadien ba kila kynjoh 14 ne 15 snem ka rta hynrei ka rta ba dang lung jong ki Khunlung Khynnah ka dei kaba kham kongsan eh namar ka jingktah ka lah ban neh shirta jingim” ong u Myntri Rangbah.
U Conrad ula ong ba la dei ban pynkylla noh ia ka jingmut jingpyrkhat jong ka Imlang sahlang ba pynleit jingmut ia ka jingsumar bad pynheh pynsan hadien ba I khunlung ila mih sha pyrthei. Ula ong ba ka jingpynheh pynsan ia ki Khunlung ka dei kaba sdang naduh ba dang pun ha kpoh bad kaba iaid kat kum ka koit ka khiah jong ka Kmie ba pun, ka jingioh ia ka bam tei met bad hadien bala kha sha pyrthei, ki Khunlong ki heh ki san kloi, kaba ktah ia ka bor met, ka bor pyrkhat, ka bor iatiplem, ka jingioh kem kloi ia kiei kiei baroh kaban lam sha ka jingjop ynda kila san la rangbah.
U Myntri Rangbah ula ong ruh ba ka jingsumar bad jingpynheh pynsan naduh dang ha Kpoh ka kmie ka dei ka jingkynshew kaba lah ban iarap ia ka koit ka khiah, ka ban pynlong ia u briew uba seisoh bad kumjuh ruh ka imlang sahlang.
U Myntri Rangbah ula pyntip ba ka Sorkar kala sdang da ka Mission mode program ba 100 sngi ban wanrah ia ka jingkylla ha ki shnong ki thaw.
The ECD Mission will shape the future of our State through our children
I encourage all stakeholders joining us in the State Level ECD Workshop today to adopt a mission-mode approach in implementing the Mission, to work with purpose, clear outcomes & in a time-bound manner pic.twitter.com/rbSS4qI9nX
— Conrad Sangma (@SangmaConrad) September 26, 2022
“Kane ka prokram ka long kaba kongsan bha namar ki Khynnah kiba ioh ia ka jingsumar bad jingpynheh pynsan kaba biang, kiba lah ban kem kloi ia ka ktien ka thylliej, ka jingsngew bad kiwei kiwei, ki lah ban kiew bha ha ka jingim” ula ong.
Shuwa kane, u Myntri Rangbah ula pyllait paidbah ia ka logo jong ka MECDM ha kane ka jingialang. Ha kane ka workshop la wan iashimbynta da ki Ophisar na ki District bad ki Block bapher bapher jong ka Jylla.
Kat kum ka Meghalaya Early Childhood Development Mission (MECDM), ka Sorkar Jylla ka thmu ban pynkylla ia ki Anganwadi Centre sha ki Early Childhool Development (ECD) Centre bad haduh 5000 tylli ki Anganwadi Centre yn kyntiew kyrdan noh bad haduh 10,000 ngut ki ECD facilitator na ki SHG kin ai jingkyrshan ia ki kam jong ki ECD Centre.
Haduh 5800 ngut ki Nongtrei Anganwadi kin ioh ia ki jinghikai pyntbit ban ai jinghikai ia ki Khunlung naduh kiba dang 6 bnai haduh kiba 6 snem ka rta. Ki ECD facilitator ryngkat bad ki VHC kin sa pynlong ia ki jingialang bad ki Kmie ki Kpa ban shim ia ka ECD ha manla ki thliew Iing.
