Shillong, Nohprah 04 : U Myntri Rangbah ka Jylla Conrad K Sangma ha ka sngi Nyngkong, ula ong ba ka jingwanrah ia ka rel kit mar (goods train) kan long kaba jingmyntoi kaba khraw bha ia ki paid nongrep bad ki nongshongshnong ka Jylla.
U Myntri Rangbah ula kren ia kane sha ki nongthoh khubor hadien ka jingplie paidbah ia ka Farmers’ Parliament kaba 3, kaba la pynlong ha State Convention Centre.
Joined our farming community today to celebrate the Meghalaya Farmers’ Day and attend the 3rd Meghalaya Farmers’ Parliament in Shillong.
Farmers truly are the backbone of the society and today we recognize the contributions made by the 4.5 lakh agricultural households of… pic.twitter.com/c1la6qXsNf
— Conrad K Sangma (@SangmaConrad) December 4, 2023
U Conrad ula ong ba ka Sorkar Jylla ka dang iakren beit bad ka Sorkar India halor kane ka kam bad ruh bad ki kynhun bapher bapher ka Jylla. Ula ong ba ki dang don ki jingsngewkhia hangne hangtai bad kumta, ka Sorkar kam shym la lah ban buh ia ka jingtyrwa ha kaban wanrah ia ka rel kit mar.
“Ka rel kit mar hi ka dei kaei kaei kaba ai jingmyntoi. Kan iarap bha ia ki nongrep bad ia ka imlang sahlang ha kiba bun ki liang bad ka dei ruh kaei kaei kaba ngi ruh ngi la kyrshan bad la iakren bad ka Sorkar India hynrei ngi dang don pat ki jingsngewkhia jong kiba bun balang” ula ong.
U Myntri Rangbah ula iai ban ba ka Sorkar ka kwah ban pynbeit noh ia baroh kine ki jingsngewkhia bad kam don jingthmu ruh ban shu leh da ka bor halor kane ka kam.
“Nga la kren da kaba shai naduh kaba sdang ba tad haduh ba ngin da lah pynbeit shuwa ia ki jingsngewkhia jong kiba bun, ngin ym leh satia da ka bor ia kaei kaei ruh namar hooid ka roi ka par ka donkam hynrei ka dei ban long ka roi ka par kaba pdiang da barph bad ngin shim ia ka jingsngewjong baroh bad ngin sa iakren bad ki kynhun bapher bapher bad ngin sa peit ruh kumno ba ngin jam shakhmat” ula ong.
Haba pynpaw ba kane ka dei ka sngi bala ai kyrpang ia ki nongrep ka Jylla, u Conrad ula ong “Ka (Parliament) dei kaba la leh namar ngi sngew ba ka long kaba donkam ban pynleit jingmut kyrpang da kaba ithuh ia ki, ai mynsiem ia ki, kyrshan ia ki, iabat kti lang bad ki bad ban wanrah ruh ia ki prokram bapher bapher, ki mission mode prokram, ki jingiarap song pisa, ki jingai jinghikai bapher bapher bad ka jingwanrah ia ki kor treikam bapher bapher. Katba kine baroh kila urlong, ngi sngew ba ngi donkam ban buh kyrpang ia kawei ka sngi na ka bynta ki nongrep ha ka dur jong ka “Farmer’s Day, ha ka dur jong ka Farmers’ Parliament”.
Ula ong ba ka dei ka sngi jong ka kabu ia ki nongrep ban wanrah ia ki jingpynsngew bapher bapher, ki jingeh ba ki iakynduh bad ha kajuh ka pork a dei ruh ka rynsan ha kaba ki nongrep ki ioh ban iakren kumno ban lah pynjanai ia ka rep ka riang hadien habud bad kiwei kiwei.
Haba kylli, u Conrad ula ong “ Ki don shibun ki lad ban iarap ia ki nongrep. Ngan shu iathuh khyndiat eh ia phi ba nalor ki Regulated market, ngi lah wanrah ruh ia shibun ki Farmers Market. Mynta ngi la pynieng ia ki Farmers Market ha kylleng ki jaka ha kaba plie lad ia ki nongrep ba kin thaw iala ki Associayion bad ban pyniaid ia kine ki iew hala ki jong ki kyndon khnang ba yn ym don mano manor uh kiba lah ban wann shim kabu”.
