Jowai, K’lyngkot 23 : Ka ding kaba klang bad shyrkhei bha, kala bamduh haduh da kylla dpei, ia ki 6 tylli ki dukan ha ka step sngi Palei ha ka shnong Trekhim, Shangpung Pohchnong, West Jaintia Hills.
Kine ki dukan ki kynthup ia ka dukan Furniture, dukan sha, dukan kot bad ka dukan die mar bam.
Kat kum ka khubor Pulit, kane ka jingjia kala jia ha ka step sngi palei bad ka jingtohkit mynta ka dang iaid shakhmat ban lap ia ki daw tynrai ka jingpluh ding.
Kila pyntip ba ha kane ka jingjia, ym shym la don satia kano kano ka jingjia ba sngewsih ia ki mynsiem briew lait noh tang ka jingbam duh ka ding ia ki jingdon jingem ha kine ki dukan.
Ki Pulit ki dang pyrshang ruh ban lum jingkhein ia ki jingjulor bad ki jingduhnong jong ki trai kine ki dukan.
Ki Pulit kila register case ia kane ka jingjia bad ka jingtohkit mynta kala iaid shakhmat.
