Guwahati, Rymphang 05 : Uwei u samla na Assam ula kem pang bad hap pynkit mar mar sha kawei ka hospital ha Kerela namar ka jingbam ia ka doh miaw kaba la iap.
Une u samla ba 27 snem, la shem ba ula bam ia ka miaw iap hapoh ka jaka ieng bos ha Kuttippuram, North Kerela. Une u briew uba dei na Dhubri District, Assam, ula hap ban shim ia kane ka sienjam namar ka jingshah tngan da ki sngi ba um ioh bam.
Ki trai shnong kila lap ia une u briew ba shong ha ki mawkyndon jong kane ka jaka ieng bos bad patar ia ka doh ba dang im. Haba iohi ia kane, ki bor khmih kila leit ban tuklar bad mar mar kila ai bam ia u bad kit noh sha hospital.
“Une u briew u khlem ioh bam ioh dih haduh san sngi” ong ki Heh Pulit kiba poi ha katei ka jaka bad bynrap “Ha ka jingtohkit, ula phla ia kiei kiei kiba jia baroh”.
Kat kum ka jingong jong ki, une u briew, uba dei u samla pule college na Assam, ula leit sha Kerela da ka rel ha u bnai Nohprah khlem da pyntip ia ki bahaiing hasem.
Ki Pulit ki iathuh ba mynta kila dep phone sha ki bahaiing hasem jong une u briew ban pyntip ia kaei kaba jia.
