Shillong Lber 04: U MLA uba la rangbah tam ha ka iing dorbar thawaiñ ka jylla u Timothy D. Shira hynne ka sngi Saitjaiñ ula bamsmai ban shimti kum u Protem Sepaker ne u Lamphang ba shipor jong ka ïingdorbar thawaiñ ka jylla Meghalaya.
Ia u Timothy D Shira uba na ka seng NPP, ula shah pynbamsmai kum u Lamphang ba shipor ha u Lat ka jylla u Phagu Chauhan haka jingialang kaba la long ha Raj Bhavan, Shillong
Ha kane ka jingpynbam smai la iadonlang u Myntri Rangbah barim ka jylla u Conrad K Sangma, u Symbud Myntri Rangbah barim ka jylla u Bah Prestone Tynsong, u Bah Comingone Ymbon MLA ka NPP bad la iadonlang u Chief Secretary ka jylla u Bah DP Wahlang bad ki heh ophisar ka jylla.
Lah ban ong, ka jingpynbam smai ia u Timothy ka long ba yn ioh ban pyniaid shipor iaka ïing dorbar thawaiñ bad hadien ba la dep ban pynlong iaka elekshon Speaker, u Timothy yn hap ban aiti noh iaka shuki ha u kyrtong uba jop iaka elekshon Speaker ban pyniaid iaka dorbar nangne shakhmat.
