Shillong, Risaw 8: U Justice Soumen Sen hynne ka sngi Balang ula shimti kum u Chief Justice ka Meghalaya High Court.
U Lat ka jylla u CH Vijayashankar ula pyntian smai ia u Justice Sen ha ka jingialang kaba la long ha Raj Bhavan.
Ha kane ka jingpyntian smai la iadonlang u Myntri Rangbah ka jylla u Conrad K Sangma, u Symbud Myntri Rangbah ka jylla u Bah Prestone Tynsong, u Nongialam ka Liang Pyrshah u Mukul Sangma, ki Myntri Sorkar, ki heh ophisar sorkar bad ki heh ki hain bad ki dkhot jong ka iingkashari.
U Justice Sen ula rung ha ka kam iasaid ain bad ka Bar Council of West Bengal ha u Kyllalyngkot 1991 baf la palat 20 snem tam ula shakri hapoh Calcutta High Court.
Ula shah kyntiew kyrdan kum u Judge ne Nongbishar ka Calcutta High Court ha ka 13 tarik u Iaiong 2011.
Hashwa ba un long u nongbishar u Justice Sen ula shakri kum u Senior Central Government Advocate, ha kaba ula mihkhmat ia ki tnad kiba kynthup ia ka RBI, SEBI bad SIDBI ha kiba bun ki mukotduma kynthup ia ki civil, constitutional, banking bad kiwei kiwei.
