Shillong, Jymmang 30: U Ophisar IFS bala shongthait u CP Marak hynne ka sngi u la bam smai kum u Chairman ba thymmai ka Meghalaya Lokayukta.
Ïa kane ka jingpynsmai la leh da u Lat ka Jylla u CH Vijayashankar ha ka jingdonlang u Chief Secretary u Bah DP Wahlang, ki heh ophisar Sorkar bad kiwei kiwei kiba shah khot sngewbha haka prokram bala long ha Raj Bhavan Shillong.
U CH Marak u dei u Principal Chief Conservator of Forests (PCCF) ba la shongthait bad u Head Forest Force (HoFF) ka Meghalaya ha u bnai Jylliew 2019, u dei ruh u Executive Chairman jong ka Meghalaya Board of School Education (MBOSE), u ba dang trei shitom wat hadien ba u la shongthait.
Haba ai khublei ïa u CH Marak ha ka jingshimti ïa ka kam, u Lat ka Jylla u la pynpaw ïa ka jingshaniah ha ka jinglah jong u ban bat ïa ka hok bad ban pynkhlain ïa ki rukom treikam jong ka jinglong khuid, ka jingkitkhlieh bad ka jingbym bamsap hapoh ka Jylla.
