Shillong, Nohprah 02: Ka ding kaba klang bha kala bam duh ia ka godown buh ata jong ka kompani magic cook kaba don ha Garikhana hynne ka step phyrngap.
Kane ka karkhana ka dei jong u Bajoria. La iathuh ba ka jingpluh kala jia ha ka por 1 baje mynstep bad la suba jur ba ka daw ka dei na ka jingthut ka bording.
Ki bor District kynthup ki Pulit, ki Pulit Fire & Emergency Services, SDRF, shipai, DMHO bad GTC kila iapoi sha kane ka jaka ban pynthikna ba ka ding kan ym pur sha kiwei pat ki iing ba marjan bad ban lah pynlip noh kham kloi kat kaba lah.
Donbok ba ha kane ka jingjia, ym shym la don kano kano ka jingjia kaba sngewsih.
