Nongpoh, K’lyngkot 07: Haka wei na ka jingpluh ding kaba ishyrkhei kaba la jia haka iew jong ka shnong 9 mile Baridua Ribhoi District, ka ding ka ba la klang bha ka la bam duh ia ki 17 tylli ku dukan ha kane ka iew ki ba kynthup naduh ki dukan die marbam haduh ki dukan jain.
Kat kum ki tyllong khubor bala ioh lum la iathuh ba ka jing kem ding kala sdang haka step phyrngap jong ka 7 tarik haka por 3.30 am eiei haka por ba ki briew ki dang ia iohthiah lyngai.
Ki briew ba iohi iaka jing klang jong ka ding ki la sdang ban ia pyrta briew ban ioh ki lad jing iarap,hynrei donbok ba kloi ba lap noh da ki pulit ba ju iaid pahara iaka surok bah, ki la pyntip mar mar sha ki pulit pynlip ding jong ka Meghalaya bad ka Assam ban wan tem ia ka ding.
Ia kane ka ding lah lah ban tem haduh ka por 6 baje eiei ha shwa ba kan pur sha kiwei pat ki dukan ba Marjan bad ki ing briew.
Wat kane ka jingpluh ka long kaba shyrkhei hynrei bhabok ba kam shym don satia kano kano ka jingjia ba sngewsih.
Ka ding ka la ioh ban pynkylla dpei haduh 17 tylli ki dukan bad la antad ka jingduh nong kaba la palat 30 lak, iakadaw jong ka jingpluh haduh ba thoh iakane ka khubor ym shem la lah ban pyntikna.
Naka liang jong ki pulit ka Khanapara outpost Ribhoi ki dang pynlong iaka jingtohkit ban lap iaka daw kaba tikna
