Shillong, Nailar 25: Ki nongialehkai jong ka West Garo Hills District Badminton Association (WGHDBA) ki la pyni iala ka sap ha ka lympung 40th Meghalaya State Badminton Championship kaba long ha Nongpoh naduh ka 20 haduh ka 23 tarik u Nailar.
Ka kynhun ka la leit phai sha la iing ha ryngkat 7 tylli ki takma, kynthup lai tylli ki takma ksiar bad saw tylli ki takma rupa.
Ha ka Under-13 girls doubles, ka Amelia D Marak bad ka Athena D Marak ki la ioh ban khur ia ka takma ksiar, katba ka Samarah D Shira bad ka Urvi Ghosh ki la khur ia ka takma rupa.
U Elmo Kaizo D Marak u la khur ïa ka ksiar ha ka Under-13 boys single.
Haka Under-15 boys single, u Sixbirth M Marak u la ïoh ban khur ïa ka takm ksiar bad u Dezio P Marak u la khur ïa ka takm rupa.
U Sixbirth ula khur ruh ka takma rupa ha ka Under-17 boys singles, katba u Biswajit Ghosh bad u Gaurav Aditya Dutta ki la khur ïa ka takma rupa ha ka Under-19 boys doubles.
Ha kane ka lympung a kila don haduh 314 ngut ki nongïalehkai kiba la pynrung kyrteng haki 22 tylli ki jingïalehkai.
Ha kane ka jingialehkai kaba saw sngi la pynlong haduh 409 tylli ki jingialehkai ha ki saw tylli ki madan hynrei la ïohi ba ki nongïalehkai na Mairang bad na East Jaiñtia Hills kim shym la don satia ha kane ka lympung ïalehkai
 ki la pyni iala ka sap ha ka lympung 40th Meghalaya State Badminton Championship kaba long ha Nongpoh naduh ka 20 haduh ka 23 tarik u Nailar.){kind=link}