spot_img

Assam: Yn khang dam noh ka Sorkar ia 1000 tylli ki Madrassa shimet

Date:

Share post:

Guwahati, K’lyngkot 02: U Myntri Rangbah ka Assam Himanta Biswa Sarma ula ong ba haduh 1000 tylli ki madrassa (skul ki paid muslim) shimet ha Assam, kin sa shah khangdam noh shen.

Haba iakren bad ki nongthoh khubor, u HImanta ula ong “Ka Sorkar Assam kala pyrshang ban iakren bad kine ki madrassa shimet ba kin khangdam bad pynkylla noh sha ki skul paidbah”.

“Ki madrassa shimet ki dei kiba la iada da ka riti synshar ka Ri. Ka Sprkar kam lah ban ktah ia ki jaka pule jong ki niam bar it paid. Hynrei, ki Pulit ka Assam bad ka tnad pule puthi kila pyrshang ban khang noh ia kumba 1000 tylli ki madrassa” ula ong.

Lah ban kdew hangne ba ka Sorkar Assam kala dep ban khang dam ia baroh ki skul madrassa ba pyniaid da ka Sorkar ha Jylla bad kala pynkylla ia ki sha ki skul paidbah.

Ha kajuh ka por, haba kren halor ka khana samari ka jingdon paid ki jaidbynriew muslim ha Assam, u Myntri Rangbah ula ong ba baroh ki 5 jaitbynriew muslim ha Jylla kila mynjur ia ka khana samari.

Share post:

spot_img
spot_img

Popular

More like this
Related

Rai ka Sorkar da ka eksam bad interview ban thungkam pura ia ki nongtrei adhoc

Shillong, Nailar 26 : Ka Sorkar Jylla kala rai...

Pdiang ka Kynhun Myntri ia ka kaiphod ka MPSCRC ban treikam ryntih ka MPSC

Shillong, Nailar 26 : Ka Kynhun Myntri ka Sorkar...

Assam | Pynpra hi ki nongkyntur pud ia ki Iing ha Nagaon shuwa ban kyndang ka Sorkar

Guwahati, Nailar 26: Ha kawei na ka jingjia ba...

Dawa ki AKMTA ia ka policy ban phaikhmat sha ki kali tourist na Jylla ban kamai sha jaka jngohkai

Shillong, Nailar 26: Ki nongniah kali tourist hapoh ka...