Guwahati, Rymphang 12 : U Myntri pla tyngka ka Assam Ajanta Neog ha ka sngi Nyngkong, ula wanrah ia ka mang tyngka ba T.2.9 lak klur jong u snem 2024-2025 kaba duna haduh T. 774.47 klur.
U Neog ula tyrwa ruh ban ym wanrah satia ia ka khajna ba thymmai ha Assam.
Haba wanrah ia ka mang tyngka, u Myntri ula ong ba ka Sorkar kan kyrshan ia ka bai skul ki 10 lak ngut ki Khynnah Kynthei haduh ba kin da dep ia ka kyrdan post graduation khnang ban pynduh jait noh ia ka jingpynshongkha khynnah ha ka imlang sahlang.
U Neog ula ong ruh b aka budget estimate u snem 2024-2024 kala ioh pdiang pisa ba T. 1,43,605.56 klur hapoh ka Consolidated Fund jong ka Jylla. Hadien ba khein lang ia ki jingioh pisa ba T.1,44,550.08 klur hapoh ka Public Account bad T. 2000 klur hapoh ka Contigency Fund, ka jingioh lum pisa baroh lang ka kot T. 2,90,155.65 klur.
Halor ka ioh ka kot jong ka Jylla, u Neog ula iathuh ba ka GDSP la khein antad ba kan kot ia ka T. 6.43 lak klur ha kane ka snem mang tyngka ban wan na ka T. 5.7 lak klur ha u snem 2023-2024. Ka jingpynlut baroh lang na ka Consolidated Fund ha u snem 2024-2025 la khein antad ba kan kot T. 1,43,890.62 klur.
