Guwahati, Iaiong 25: U Myntri Rangbah (CM) ka Assam, u Himanta Biswa Sarma mynta ka sngi ba Ar u la pynbna ba ka Sivasagar district ka la wan ha ka kyrdan kaba hakhmat eh ha ka ‘Gunotsav 2023.’
Ia ka result na ka bynta ka ‘Gunotsav 2023’ la pynbna da u CM Biswa u ba la pynpaw ka jingsngewhun halor ka jinglah ban kyntiew ha kaba iadei bad ka pule ka puthi kumjuh halor ka jingtei ia ki iingskul hapoh ka jylla.
Katkum katei ka result ba la pynbna, ka Charaideo ka Golaghat abd ka Majuli ki la wan ha ka kyrdan kaba ar, ba lai bad ba saw, katba ka Kamrup Metro ka la wan ha ka kyrdan kaba 29.
Napdeng ki 19,172 tylli ki skul kiba la iashim bynta ha kane ka ‘Gunotsav 2023’ ha Assam, haduh palat 11,000 tylli ki skul ki dei kiba la shah pynhap ha ka kyrdan A+ grade halor ka jinglah treikam bad ka jingkiew ha ka liang ka pule puthi, kaba la pynpaw ruh halor ka jingkiew ha ka liang ka pule puthi ha baroh ki liang.
Haba kren sha ki lad pathai khubor, u CM Himanta Biswa Sarma u la pynbna ia ka jingiarap kaba T. 25,000 sha baroh ki skul kiba la shah pynhap hapoh ka kyrdan A+ grade.
Nalor kata na ka liang u CM u la ban ruh halor ka jingthmu ban iamir jingmut kumno ban kyntiew ia kito ki skul kiba dang hap hapoh ka kyrdan C bad D grade bad ban rah ia ki la kumno kumno sha ka grade B.
