Guwahati, Rymphang 10: Ka Assam Pradesh Congress Committee (APCC) ha ka sngi Ba-ar ka la ujor da ka ejahar ha Dispur Police Station pyrshah ïa ka BJP bad ïa u Myntri Rangbah ka Assam Himanta Biswa Sarma halor ka jingkynnoh ba ki pyndonkam bakla ïa ka Artificial Intelligence da kaba shna video ba pynjah burom ïa u nongïalam ka Congress u Gaurav Gogoi.
Haba kren sha ki lad pathai khubor, u nongaiktien ba rangbah jong ka APCC, u Gopal Sarma, u la ong ba ka BJP ka pynleit jingmut ha “ka jait jingsynshar phareng kaba sniew tam” ha Assam ha shwa ka elekshon 2026. U la kynnoh ba la pynsaphriang ia ka video thok ba la shna da ka AI kaba pyni ia u briew uba rit paid ha ka niam kum u Gaurav Gogoi.
U Sarma u la kam ba hadien la weng noh ia katei ka video namar ka jingpynbor, hynrei u la ong ba ka long kum ka jingpynkhein kaba jur ia ka ain bad ka riti synshar ka ri.
Shuh shuh u la ong, ba katei ka jingjia ka la pynjah burom ïa ka kynhun jong ka pyrthei bad ka la pynmih ïa ka jingkynthoh ha ka pyrthei, hadien ba u MLA ka Congress u Shivamani Bora bad ka tnad aiñ jong ka party ki la mudui ïa ka ejahar da kaba dawa ban kem mardor ïa u Myntri Rangbah ka Jylla ha kaba ïadei bad kane ka kam.
 ha ka sngi Ba-ar ka la ujor da ka ejahar ha Dispur Police Station pyrshah ïa ka BJP bad ïa u Myntri Rangbah ka Assam Himanta Biswa Sarma halor ka jingkynnoh ba ki pyndonkam bakla ïa ka Artificial Intelligence da kaba shna video ba pynjah burom ïa u nongïalam ka Congress u Gaurav Gogoi.){kind=link}