Guwahati, Rymphang 02: U Myntri Rangbah ka Assam Himanta Biswa Sarma ula pyntip bala thung mynta ia ka kynhun Special Investigation Team (SIT), ka ban tohkit ia ka jingkulmar kaba mih na ka Bharat Jodo Nyay Yatra jong u Rahul Gandhi ha Guwahati.
Kane ka jingkulmaar kala wanrah ia ka jingthut ka shongsuk shongsain hapoh ka Nongbah, kaba la pynbor ia ka Sorkar ban thung ia ka jingtohkit.
Haba iakren bad ki nongthoh khubor hynne ka sngi Thohdieng, u Himanta ula ong “Artylli ki case la register halor ka Yatra bad ia ka case ha Guwahati, la thung da ka SIT ban tohkit ia ka yatra u Rahul Gandhi. Ka kynhun kala sdang mynta ia ka jingtohkiit bad kala dep ithuh ia u briew bala pyndonkam da u Rahul Gandhi ban ak kum ma u (body double) ha ka Bharat Jodo Nyay Yatra ha Assam. Ngi la pynthikna ba ha ba bun ki surok, u Rahul Gandhi u khlem pynshongshit ia ki paidbah hynrei une u briew ula pynshongshit. Hynrei hadien kane ka huri hura, une u briew ula phet jar jar na Guwahati”.
“Khlem da synran shuh sha kawei pat ka jaka, une u briew ula mih na Delhi bad leit sha Delhi. Kane ka case ha Guwahati ka don bad ka SIT bad ka case ha Jothatka dei kaba la tohkit hi da ki Pulit. “Hadien ba u Myntri Rangbah Duh ula mih na Guwahati, ngan sa sei madan ia une u briew ba ak kum u Rahul Gandhi.
Ha ka 23 tarik Kyllalyngkot, ka huri hura kala mih ha Guwahati na ka jingiapyni bor hapdeng ki nongtrei ka Congress bad ki Pulit, kaba la jia ruh na ka daw ka jingkyntait ai jingbit ia ka Bharat Jodo Nyay Yatra u Rahul Gandhi ba kan rung sha sor Guwahati.
, ka ban tohkit ia ka jingkulmar kaba mih na ka Bharat Jodo Nyay Yatra jong u Rahul Gandhi ha Guwahati.){kind=link}