Guwahati, Nohprah 9: Ka kynhun jong ki MLA ka Congress ha ka sngi Nyngkong kila ujor sha ka CBI, ba kyntu ban pynlong ka jingtohkit kaba bniah bha halor ka jingkynnoh ka jingpyndonkam bakla ia ka pisa pilain bad ka jingpyniaid bymhok hapoh ka Tezpur University.
Katkum ka shithi ba la phah sha ka CBI kala kdew ba ka jingshah kynnoh kaba la pynsngew da ki samla pule, ki nonghikai ha ryngkat ka seng jong ka kynhun ki nongtrei bad don ruh kiba la mih khmat lyngba ki (official channel) ne ki lad pathai ba tikna kum ka jubab na ka Right to Information.
Haba pynshai ba katei ka shithi kam pynïahap ïa ki jingkynnoh shimet pyrshah ïa uno uno u briew shimet, ka Debabrata Saikia ka la pynpaw ba ka jingjia ka dawa ïa ka jingpynshisha kaba khlem shah liang da ka tnad kum ka CBI.
“Nga thoh ïa kane ka shithi na ka bynta ka jingshai, ka jingkitkhlieh paidbah, bad ka jingïada ïa ka pisa paidbah, ryngkat bad ka jingkyrpad ba ka Anti-Corruption Bureau/CBI kan pynlong ïa ka jingtohkit ba laitluid halor ki jingkynnoh ba bun jait jong ki jingbym ïaid beit iaid ryntih ha ka liang ka pisa tyngka, bad ka jingpynïaid kiba la mih ha ka Tezpur University ha kine ki katto katne snem ba la dep”, la ong Congress ha ka shithi sha u khlieh duh ka CBI ha Guwahati.
“Kum kine ki jingsngewkhia la pynsaphriang paidbah bha ha rynsan ki jingialang, ia kaba la pynsngew da ki samla pule, ka kynhun ki nonghikai, bad ka kynhun ki nongtrei, bad ki don ruh kiba la mih lyngba ki lad treikam ba thikna kum ki jubab na ka jingpan Right to Information”, ong ka shithi ba la soi da ka LoP u Debabrata Saikia bad ki MLA u Nurul Bobara Huda bad u Sibamoni Bora.
Kine ki la kyrpad ruh ïa ka CBI ban pynshisha ïa ka jingkynnoh kaba ïadei bad ka RTI ba ki kot ki sla kiba kongsan kiba ïadei bad ka jingthung kam ia u VC bad ka kyrdan pule jong u kiba “ym shym la ioh ne don satia hapoh ka ophis.”
