Guwhati, Jymmang 06 : Iwei I Khunlung ba 1.5 snem, Farhana Khanam Borbhuiyan, ila iap na ka jingpang swine flu ha Hailakandi, Assam bad 4 ngut kynthup 3 ngut ki Khynnah, kila poi sha Hospital namar ka jingshitom jur.
Ia kine ki 4 ngut la pynkit sha Silchar Medical College Hospital (SMCH) kaba don ha Cachar District. Kine baroh ki don hapdeng ka jingsumar ha Isolation ward.
Ka SMCH kala pynthikna ba ka snam bala shim na ine I Khunlung ba iap, ka dei kaba don ia ka jingpang H1N1, bala tip ruh kum ka Swine Flu.
Kane ka jingsyllad ka jingpang kala pynsyier ia ki nongshongshnong kiba sheptieng ia ka jingnang saphriang. Ki bor ka Tnad ka koit ka khiah kila pynmih ia ka jingbthah hapoh kane ka District ban tehlakam ia ka jingpang.
