Guwahati, Feb 3: Ka jingthmu jong ka China ban shna ia ka Hydro Power Project ba 60,000–70,000 MW ha Motuo (Medog) kaba don shajrong jong ka wah Yarlung Tsangpo, ka la pynmih ia ki jingsngewkhia kiba jur halor ka jingktah ia ka mariang bad ka jingshngain ha India, khamtam eh ha Arunachal Pradesh bad Assam.
Kane ka projek, ka kynthup ha ka China’s 14th Five-Year Plan, ia kaba la thmu ha ka thain Medog— ha kaba ka Yarlung Tsangpo ka khun ha kylleng u lum Namcha Barwa shuwa ban rung sha India kum ka Siang bad hadien pat kan kylla long kum ka Brahmaputra.
Ki riew shemphang ki maham ba ka jaka ba shna ia kane ka projek ka long kaba jynjar haduh katta katta. Ka jaka ba khun eh jong ka wah Yarlung Tsangpo ka dei kawei na ki jaka kaba jur bha ka jingkhih jumai bad kaba sniew bha ha ka pyrthei.
Ka jingtei kaba heh kaba kynthup ïa ki tunnel, ki krem hapoh khyndew, ki jingpynkylla ia ka lynti iaid ka um ka lah ban pynkylla junom ïa ka jinglong jingman jong ka wah.
U Jogendranath Sharma, u riewstad ba paw jong ka geologist bad u professor ba la shongthait jong ka Dibrugarh University, u la khot ia kane ka projek bording Medog kum ka jingthmu ban buh jingma ia ka mariang.
“Ki jaka them jong ka Assam kin shah ktah jur lada don kano kano ka jingpynlait um. Ka China kan ioh ia ka jingsynshar halor ka rukom pyniaid ia ka um jong ki wah. Kane kam dei tang ka jingeh jong ka mariang, ka dei ruh ka jingeh ia ka jingshngain jong ka ri”, ong u Sharma.
Ym kum kiwei pat ki wah ha ka thain shatei lam mihngi jong ka ri India, ka Assam kam don ki jaka buh um kiba heh ha ka liang jong u pud u sam ban pynjem ia ka jingpyllait um kynsan kynsan ne ka jingpynthut ia ka jingtuid um.Kano kano ka jingpyllait um kynsan kynsan ha ka por tlang ne ha ka por slap ka lah ban buh iaki jingma kiba khraw ia kiba don sharum jong ka wah.
 kaba don shajrong jong ka wah Yarlung Tsangpo, ka la pynmih ia ki jingsngewkhia kiba jur halor ka jingktah ia ka mariang bad ka jingshngain ha India, khamtam eh ha Arunachal Pradesh bad Assam.){kind=link}