Guwahati, Naitung 15: U Myntri ka tnat rep bad Animal Husbandry & Veterinary ka Sorkar Assam u Atul Bora, ula shah ujor ejahar bad shah pynrem jur namar ka jingkynnoh ba u ai injek dawai iaki mrad ba shah ktah haka jingshlei um.
Kane ka wan hadien baka dur jong u Atul Bora kala saphriang haki rynsan Social Media ba u dang ai injek iaki mrad hapoh ka Veterinary Camp haka shnong Bongkuwal, kaba la pynlong iaka seng Krishak Mukti Sangram Samiti ban ujor daka ejahar pyrshah ia u Myntri Sorkar.
U Hirakjyoti Saikia, uba dei ruh u General Secretary ka Krishak Mukti Sangram Samiti, ula ong ba kane ka jingleh u Myntri Sorkar ka lah ban buh jingma iaka mrad namar ba u Atul Bora um dei u briew uba tip haba iadei bad ki rukom sumar ia ki mrad bad kane ka jingleh jong u ka dei kaba khring ia ka jingshah pynsajia kat kum ki kyndon ain.
U heh Ophisar na Golaghat Police Station ula pynthikna ba ki Pulit kila ioh ka jingujor hynrei ka ejahar kam pat poi shaki namar kata ki khlem pat Register case hynrei ka jingtohkit kala iaid shakhmat.
Ka jingleh u Myntri kala wanrah ka jingiathir haki Rynsan Social Media bad bun kila kylli, kumno u Myntri u ioh ka bor ban ai injek iaki mrad.
Naka liang u Atul Bora ula pynshai daka ba kam ba ula ai injek iaki mrad naduh ba u dang khynnah kaba dei ruh kaba ki paidbah ka Jylla ki shait leh.
