Guwahati, Risaw 29: U wei u nongialam ka seng Congress u la pynkhynwin ia sain pyrthei ha Barak Valley hadien ba kynnoh ba u la rwai ia ka jingrwai Amar Sonar Bangla, Ami Tomay Bhalobasi — kaba dei ka jingrwai national anthem jong ka Bangladesh — ha ka jingialang jong ka Executive Committee jong ka Congress Seva Dal ha Sribhumi.
Ia une u nongialam ka Congress la tip kyrteng kum u Bidhu Bhushan Das, uba dei u chairperson jong ka Sribhumi Seva Dal unit, la iathuh ba u la sdang ia ka jingkren jong u da ka jingrwai ba la thoh da u Rabindranath Tagore ha u snem 1905 ha ka por ba phiah ia ka Bengal na ka jingsynshar ki British (phareng).”
Kane ka jingleh u Das ka la pynmih ka jingkren ba long pyrshah kaba jur bha ha ki rynsan social media, kaba la wanrah ïa ka jingkynthoh kaba jur na ki liang pyrshah ha ka saiñ hima sima.
U MLA ka BJP na Patharkandi uba dei ruh u Myntri Sorkar u Krishnendu Paul u la ong, “Nga la ioh pdiang ia ka report ba u la nongialam jong ka seng Congress u la rwai ia ka jingrwai national anthem jong ka Bangladesh ha ka jingialang jong ka party. Ka Congress ka lah ban kiei kiei bad baroh kiei kiei hapoh ka party ka long kaba phyla.Kim shym la tip ruh lano ne kaei ba kin rwai.Ngan sa peit ia kane ka video bad nga kyntu ia ki pulit ba kin pynlong ka jingtohkit halor kane ka bynta bad ban shim ruh ban shim kam.”
Haba jubab halor ka jingshah shah wohnia, u nongialam ka Congress u Gaurav Gogoi u la ong, “U Bidhu Bhushan Das, uba la 80 snem ka rta bad uba dei uba la rangbah bha hapoh ka party u la rwai ia ka jingrwa Bengali kaba kyrteng Amar Shonar Bangla, kaba dei ka jingrwai kaba la shna da u Rabindranath Tagore. Hynrei jia ryngkhat ki shnat trei kam ka BJP kila wohdong ne waddaw da kaba kam ba kadei ka jingrwai jong ka jaitbynriew muslim bad kaba dei ka national anthem jong ka Bangladesh. Kim shym la lah ban sngewthuh ia ka jingmut jong ka history bad ka kolshor jong ka jingrwai kaba la thoh da u Rabindranath Tagore, u nongioh khusnam nobel bad uba dei ruh u wei u myllung uba khraw.Balei ngim lah ban rwai ia ka jingrwai Bengali kaba rakhe ia ka pateng bad ka literary legacy?”
Shuh shuh u la bynrap, “Ka BJP man ka por ka ju kam ba ka burom ia ka kolshor jong ki Bengali, hynrei ha ka jingshisha ka la pynjah burom bunsien ïa ka ktien Bengali bad ïa ki briew jong ka.Ka jingleh ha kine ki khyndiat sngi sa shisien kala pyni bad paw paidbah ia ka jingshah ieh bein ia ka jingriew spah ka kolshor ki Bengali, ia ka nam u Rabindranath Tagore bad ia ka philosophy ka jong u.Ka jingshisha ka long ba ka BJP ka kynmaw ia ki jaitbynriew kiba kren ia ka ktien Bengali tang ha ka por election na ka bynta ki vote jong ki hynrei kim pat ju pyrshang shisha ban sngewthuh ia ka kolshor, ka ktien jong ki.”
